酒鍋 (V Point) (已結業)

過年難得一家人可以放假，聚首一堂，更係要搵餐好嘢食，個仔出咗雙糧，話由佢請客，一家人去到銅鑼灣（酒窩）餐廳裝修十分裝潢華麗，好有中國風，連餐具都是用咗古色古香的，今晚的飯餐，因過年關係，在這餐廳食飯時，感覺到置身於一個好溫馨的過年氣氛， 十分開心，真係要多謝阿仔。火鍋醬料，仲有另一款xo醬，好多材料，好好味，一定要試。酒鍋佛跳牆賣相十分有氣勢，材料包括有，鮑魚、海參、花膠、冬菇、雞等優質食材，首先一定要飲咗個濃郁湯底先，跟住食鮮甜的鮑魚，軟滑的花膠等，食完這個佛跳牆煱，真係非常滋補養顏，仲好似即時的靚咗添。掛架頂級安格斯牛小排，第一次食安格斯牛是用掛架來上菜，好有特式，食落口牛小排鬆化軟腍，好有牛味。蔬菜非常新鮮，叫咗萵筍，菜及菇類。洋蔥豬肉蝦蛋餃黃金炸魚皮，一食就知是即叫即炸，魚皮好薄身，香脆好正。好得意呀！用燈膽樽嚟再住檸檬薏米水，飲完熱氣全消了。