麵麵 (已結業)

彌敦道依座大廈都頗多餐廳，而依間主打自家製魚麵+魚烏冬。魚麵嘅魚肉比例係70%而魚烏冬係50%，店員介紹如果消化能力冇咁好可以選擇魚比例較低的魚烏冬 ，而且魚烏冬含極低澱粉質、有豐富蛋白質和營養，食落毫無魚腥味或魚骨；仲有勁鮮甜嘅魚湯，用咗鮮魚和花膠蓉熬足九個鐘。⭐️見依排魚之脆卷濃魚湯魚烏冬有買一送一優惠。👍🏻每一位客人都會比一個信封入住口罩，非常貼心➡️一坐低便奉上每人一小杯魚湯。➡️所有麵都配有前菜，兩小條涼伴柚子汁蘿蔔，唔算很酸甜不過淡淡柚子味很清新；兩粒很甜的迷你紫薯仔；胡麻醬昆布。👓魚之戀濃魚湯魚烏冬 $72魚烏冬同平時烏冬粗度差唔多，但食得出有魚香和魚肉嘅彈牙，無論質感定味道都明顯同烏冬兩回事。魚湯唔係非常濃郁魚味，而係清甜帶點魚香味，食得出係熬湯唔係敷衍味精湯，無論魚湯定魚烏冬都毫無腥味或魚骨。有兩條魚卷、一粒魚皮餃、一粒魚蛋、魚片和魚角各一，每樣都香魚味好食，尤其魚卷個皮炸到脆卜卜香口。另附上辣醬，香但唔辣。評分：7.5/10👓辛辣．灜太子拌魚烏冬 $78有溫泉蛋、三隻魚皮餃、拌上明太子醬、海苔絲、蔥花和木魚。明太子味唔算好濃郁不過係食得出亦都好香，撈上魚皮餃和烏冬味道好夾