影片
更多
2017-10-23
91 浏览
幾乎每次有朋友生日我哋都選擇泰菜，因為個個都啱食而且又食極都唔厭。食過好多傳統嘅泰菜，今次就想特別少少試吓啲新式少少嘅，所以就選擇咗1988。我覺得工廠大廈有樣嘢好就係雖然外面環境無咁得體但多咗budget做室內設計，所以環境氣氛同格調都好舒服同有特色。餐廳當晚亦接近滿座，相信呢度嘅食物質素應該唔會令人失望。先來泰式鳳爪沙律，沙律汁酸辣十足好開胃，伴以芹菜，洋蔥同甘荀絲增加口感，而且份量一啲都唔吝嗇，一枱六人每人都分到兩三隻。主菜有青咖哩雞同海南雞，咖哩比我想像中無咁辣，質地比較稀身，鐘意食辣嘅我覺得可以再重手啲！另外order咗個油餅嚟dip咖哩，油餅係酥皮，個人略嫌食到有啲呢hea，酥皮唔多索汁，我都係鐘意傳統油餅麵粉厚啲個款。海南雞已拆骨，雞身嫩滑，而且雞味好濃好重油香，比起咖哩我十分推薦呢個！另外仲叫咗個生菜包，份量同樣相當impressive，菜多肉都多，肉香好濃，不過就嫌唔夠辣，辣啲的話會惹味好多！
主食叫咗個鮮蝦炒金邊粉，呢個酸甜適中，重點係濕炒做得剛剛好，唔會一pat pat，做到濕炒效果之餘又做到條條分明。最後試到本時喺其他泰式餐廳比較少見嘅菜式，泰式生蠔杯。一上菜就
先來泰式鳳爪沙律，沙律汁酸辣十足好開胃，伴以芹菜，洋蔥同甘荀絲增加口感，而且份量一啲都唔吝嗇，一枱六人每人都分到兩三隻。
主菜有青咖哩雞同海南雞，咖哩比我想像中無咁辣，質地比較稀身，鐘意食辣嘅我覺得可以再重手啲！另外order咗個油餅嚟dip咖哩，油餅係酥皮，個人略嫌食到有啲呢hea，酥皮唔多索汁，我都係鐘意傳統油餅麵粉厚啲個款。海南雞已拆骨，雞身嫩滑，而且雞味好濃好重油香，比起咖哩我十分推薦呢個！另外仲叫咗個生菜包，份量同樣相當impressive，菜多肉都多，肉香好濃，不過就嫌唔夠辣，辣啲的話會惹味好多！
主食叫咗個鮮蝦炒金邊粉，呢個酸甜適中，重點係濕炒做得剛剛好，唔會一pat pat，做到濕炒效果之餘又做到條條分明。
最後試到本時喺其他泰式餐廳比較少見嘅菜式，泰式生蠔杯。一上菜就傳來好濃烈嘅海水味，蠔身好結實，味道唔腥而且好鮮甜，連帶啲汁都吸收晒啲蠔味！
最緊要呢度有offer甜品，伴碟Present得好fancy，慶祝朋友生日就唔駛喺出面買蛋糕。今次order咗藍莓芝士餅，百利甜酒慕思，同埋檸檬撻。三款蛋糕都好有特別！尤其藍莓芝士餅以貌似水牛芝士嘅形狀呈上，感覺好新鮮；百利甜酒慕思味道好特別，口感亦都好滑溜；檸檬撻酸度則啱啱好。另外要唔該曬店員可以幫忙將三件cake放埋一齊好似個mini birthday cake 咁！
總括今次嘅用餐經驗絕對值得呢餐嘅價值，餐廳環境好，食材唔馬虎，而且店員好有禮貌，我希望有更多人支持呢啲工廠小店，質素隨時比連鎖大舖更加好。
张贴
