砂煲兄弟 (悅來坊) (已結業)

今日去開荃灣，就係熊貓酒店搵野食，見呢間砂煲兄弟幾特別，D野食又多種類，一於入去食啦！入到去個侍應就帶左我地坐係一張她闊落既檯度，然後就介紹幾道招牌餸菜俾我地，拎野食黎時又會介紹呢道菜點整，非常殷勤！唔講以為係去左法國餐廳食添！講返食咩先，先黎一碗當歸杞子燉雞湯，黎到已經一陣濃濃既藥材味，飲落去更加知係一流既補路，而且好足料，真係要趁熱飲！然後就到正菜：仁稔排骨煲仔飯啦！好少見用仁稔醬黎炆排骨，酸酸甜甜非常開胃！D飯黎既時候熱辣辣，就算即刻撥勻都有少少飯焦，不過咁仲她味！我地又叫D小食，例如呢個脆米鯪魚球，表面既脆米好惹味，鯪魚球又彈牙，正！仲有呢個涼拌蔥油豆腐，D豆腐非常滑，加D蔥油係面，每啖都食到豆腐既真諦！突然有道火光伴隨住一碟餸出黎，就係侍應極力推薦既慢煮火焰牛仔柳啦！佢話係用50度低溫火慢烤煮至半生不熟，保持肉質既鮮味，果真如此！最後我地都食到捧住個肚啦，但見到呢款邪惡金沙西多士，忍唔住都點埋！佢將多士切開一細細件方便入口，再淋上大量朱古力碎同醬，果真非常邪惡！我地又試埋野飲，呢杯熱柚子蜜不過不失啦，但另一杯透心涼紅豆冰奶茶就不得了啦！無諗過紅豆冰同奶茶可以咁夾！而且真正透心