M3 Italian (已結業)

諗吓諗吓，都差唔多兩年冇去旅行啦！平時西餐就食得多，但係都好想搵一間真係性價比高嘅餐廳！最終，喺大圍嘅呢一間M3 Italian,真係可以比到嗰種去咗外國感覺嘅風格我！同埋呢間餐廳嘅性價比好高，可以有高級餐廳嘅享受，高級餐廳嘅食物，貼地嘅價錢😍😍首先我自己叫咗呢份黑松露野菌燴意大利飯配法國煎鵝肝，我本身自己好鍾意食黑松露，呢個黑松露嘅香味同意大利飯真係好夾！而且上面仲配埋呢個法國嘅煎鵝肝！鵝肝嘅香味同埋黑松露嘅香味令到成個飯都更加濃厚嘅味道👍🏻👍🏻另外就係呢一個卡邦尼意粉配日本溫泉蛋，呢個意粉嘅醬汁好好食，而且呢個日本溫泉蛋啲汁撈埋一齊食！令到成個意粉都好香！而且呢個意粉嘅口感啱啱好，軟硬適中！仲有一杯香草味意大利奶凍，呢一個奶凍好好味，好滑！係好香好香嘅牛奶味道，鍾意食甜品嘅可以試吓！