北京老家 (已搬遷) 新店位置

朋友想食北京片皮鴨，話好耐無食啦，又無咁多錢飛去北京食，於是就搵下尖沙咀既北京餐廳，因為印象中尖沙咀都多北京餐廳。我地一行四個人就搵左依間餐廳去試。間餐廳裝修好北京feel，十足似北京既橫街D舊建築物咁，而且枱面好得意，每一張枱都有盤金魚，哈哈，搞到好似D金魚想食D 美食但又無得食咁既feel。 我地當然叫左個北京片皮鴨，個皮好膽好味，同埋叫左個豆苖，用蒜蓉去炒，好味。我地仲叫左小籠包，小寵包就比較失色。最後叫左個甜品，依個甜品好少可係香港有得試啦，好似話係香港唔係好多師傅整，就係拔絲啦，我地叫左個拔絲士多啤梨，甜甜地酸酸地，味道唔錯。