老點里 (已結業)

今日收工之後，同朋友去佐敦食飯，大發現！發現咗一間新開嘅小店，好正！第一個正，係佢收得好夜，佢話收凌晨四點🤩 凌晨兩點半 last order 😍 咁就正啦！啱曬我哋成日夜食飯嘅嘢鬼。第二個正，係個食物嘅賣相好正，尤其是啲點心，好鬼死得意！今日試咗幾樣， 首先買咗兩支雪茄，用一隻好正好靚嘅碟裝住，好有品味咁，大家估吓係乜嘢？其實係春捲嚟嘅！做得幾好，唔係太油（$36），另外呢三粒荔枝，又係乜嘢嚟呢？其實係炸蝦丸！炸得幾好喎，皮好脆，蝦肉好彈牙（$46），另外嗌咗幾個南瓜仔，又係乜嘢呢？其實係流沙包（$29），係咪好有趣呢！咁都要叫個主菜，唔可以淨係食點心嘅，叫咗一個冬陰功名名爐烏頭（$178），冬陰功湯都整得幾好味，烏頭就中規中矩啦。店舖裝修唔係好豪華，但係都幾有特色一邊係李小龍功夫造型，另一邊係hello kitty 同瑪麗蓮夢露，整體嚟講感覺都幾舒服，又有創意，抵讚！