彤記雲吞牛腩粉麵 (已結業)

前幾日同個囡出咗成日街，然後勁肚餓之制，求其入左一間粉麵店食，我問店家乜野最好食，佢地推介我食招牌鮮蝦雲吞麵，家郷南乳豬手，同招牌牛腩河！店員都好nice，好細心，仲幫我剪短啲麵俾小朋友食，真係係sweet!!! ❤️❤️招牌鮮蝦雲吞麵啲鮮蝦雲吞粒粒都勁大粒，勁足料，粒蝦🦐又勁大，平時出面啲鮮蝦雲吞麵有浸鹼水味。呢個個湯底係鮮下味。家郷南乳豬手南乳豬手炆燘好入味，好有南乳味，而且炆得好滑，唔會一夾就爛！！👍🏻招牌牛腩河一般出街好少會食牛腩河因為驚黐牙，同太韌，但呢個我真係哇一聲，佢地燘得好林，亦都好入味，好用心！👍🏻👍🏻蒜辣雞翼尖我真係覺得自己叫得好好，有啲似元朗嗰間！個酸辣做得適中，調配得好好，搞到我成碟青晒😆我下次一定再encore!!❤️👍🏻