Burger Shot

係牛頭角區返工既朋友介紹，有間好有特色既Burger Shot，話一定要帶我試下。今日黎到，真係幾靚，係正正counter 位，睇落真係幾似港島區既格局。 佢舖頭細細但都有分到室外同室內。 Open 式廚房，睇住佢地即落單即整，好多外賣，勁忙碌。
我地坐底，朋友話事就叫左個2人餐。 唔洗等好耐啲野就陸續上枱。
首先係炸物，薯條同魷魚鬚，都係新鮮炸，勁香，又大盒，而且竟然唔油。 配佢地既特色蜜糖芥辣同辣辣白醬，好野味。
主食係勁大既他他吉列魚柳芝士漢堡，同黑松露野菌忌廉扁意粉。
最先見到個漢堡勁大，同隻义比埋差唔多高，真材實料。 咬落唔係好硬既包，亦唔會多醬到冧既感覺，真係好正。 而中間既魚柳所好厚肉，好意外。
個扁意粉好香松露味，份量又足，而且野菌好新鮮。 冇諗過佢地個意粉煮得咁有誠意。 跟埋汽水真係勁爽。
呢間Burger Shot 真係好值得食。

1

1