影片
更多
2013-09-08
236 浏览
2月15日, 呀比今日又嚟搵呀菲食lunch, 都知道喺呢度附近會好多人, 不過真係估唔到平日嘅午飯時間呢條街會多人到好似去咗假日嘅銅鑼灣咁, 成條街企滿晒人, 數間嘅食肆都爆滿, 個個唔係等位, 就係等外賣~ 我地想食榮式, 唯有等下位, 等咗15分鐘就入得~::: 雞扒豬頸肉飯 + 凍檸茶 ::: $43雞扒好似比以前細塊咗, 以前大到可以有半隻碟咁大… 雖然而家縮咗水, 不過味道都keep到, 外皮燒得脆口, 少少黑椒好惹味~ 而雞肉好鬆軟, 淋淋地嘅肉地亦十分入味, 可以話係我地食過最好食嘅雞扒~ 豬頸肉個感覺就比較乾身, 加咗d汁都唔太幫助… 另外, 個飯淋咗豉油, 再配上葱油食十分之香口, 亦都係呢度嘅雞扒飯好味原因之一~凍檸茶嘅茶味夠, 但係甜味重手咗d, 蓋住咗檸檬味… 不過勝在夠凍, ok咁啦.::: 雞扒茄子醬飯 + 凍奶茶 ::: $43榮式招牌雞扒同茄子醬分開上, 鎮店雞扒有一條條烤過嘅坑紋, 雞皮燒得微脆, 雞肉醃得入味, 乾身得黎都頗juicy, 好味! 茄子醬有少少似台式嘅肉燥茄子汁溝麻婆茄子, 甜甜辣辣, 十分開胃! 難得嘅係呢度d配菜葱油豉油比得足~
::: 雞扒豬頸肉飯 + 凍檸茶 ::: $43
雞扒好似比以前細塊咗, 以前大到可以有半隻碟咁大… 雖然而家縮咗水, 不過味道都keep到, 外皮燒得脆口, 少少黑椒好惹味~ 而雞肉好鬆軟, 淋淋地嘅肉地亦十分入味, 可以話係我地食過最好食嘅雞扒~ 豬頸肉個感覺就比較乾身, 加咗d汁都唔太幫助… 另外, 個飯淋咗豉油, 再配上葱油食十分之香口, 亦都係呢度嘅雞扒飯好味原因之一~
凍檸茶嘅茶味夠, 但係甜味重手咗d, 蓋住咗檸檬味… 不過勝在夠凍, ok咁啦.
::: 雞扒茄子醬飯 + 凍奶茶 ::: $43
榮式招牌雞扒同茄子醬分開上, 鎮店雞扒有一條條烤過嘅坑紋, 雞皮燒得微脆, 雞肉醃得入味, 乾身得黎都頗juicy, 好味! 茄子醬有少少似台式嘅肉燥茄子汁溝麻婆茄子, 甜甜辣辣, 十分開胃! 難得嘅係呢度d配菜葱油豉油比得足~ 送飯味道更豐富!
凍奶茶夠水準! 茶味濃奶味足~ 正!
榮式嘅食物水準係維持到, 但係份量明顯都係減少咗… 喺平日嘅lunch時間實在太多打工仔, 座位又迫d人又趕嚟趕去, 食完又即刻要走… 所以我地第時想食, 會考慮去北角嗰間, 少人d麻~
张贴
