JK Brother’s (已結業)

難得放假，約左朋友係尖沙咀食放題，揀左呢間JK Brothers，因為呢到日韓料理都有，唔洗煩！第一次係香港用QR CODE落單，感覺好新鮮同方便呢！讚！估唔到放題居然有燒酒，緊係即刻點個試下啦，不過不失啦。同朋友今日都小鳥胃，樣樣都點啲黎試下：款式真係好多呢，炸物、串燒、壽司、炒、焗都有，一次過滿足哂所有願望。我自己就最中意啲炸物，都是新鮮炸起，夠哂香脆！朋友就推介薄燒牛肉，睇住佢一個人食左3碟好誇張呢！最後甜品都係任拎，有movenpick同dreyer's，同好多韓國特色雪糕，實在係忍唔到口，食左好多雪糕。呢到地點方便又多選擇，都算係個不錯之選。