影片
更多
2012-07-27
18 浏览
呢晚去到唔係好多人，見到裡面枱都有好幾枱客，不過我最想係坐係榻榻米到，好野有吉位可坐！！拎起手上的Menu，與我係瀰月屋初期開張時的好似差唔多，不過呢間時不時會有Ｄ「期間限定」的甜品名貼係牆上，想試新野一定要留意啦，不過今次我來嘅目的唔係「期間限定」，而係＜原個焗蘋果批＞ ，另外又掛住宇治金時刨冰，所以就揀咗＜赤豆抹茶豆腐＞ 。當我點餐時，店員表明＜原個焗蘋果批＞ 要等25分鐘，因為係即叫即製的，問我有冇問題？OK，照上丫唔該！先來＜赤豆抹茶豆腐＞ $33只係等咗約６分鐘便上枱，分量唔大，個碗更似我係吉吉島$１２店買果Ｄ添，不過用上小木匙都幾靚。頂層有紅豆粒粒蓉加紅豆蓉鋪係抹茶豆腐上面，綠色的抹茶豆腐好結實且微冷，開頭怕似豆腐花軟淋淋添，原來係有少少實的的嘅質感，唔錯，只是有感抹茶味唔夠重。而紅豆蓉只是淡淡的甜，當然如果再多少少紅豆就更夾囉。＜原個焗蘋果批＞ $48呢個真係幾乎每枱客人都會點嘅，至少我坐低後見到佢係廚房出來都有４~５個喇。其實只睇相嘅話真係覺得好貴，邊值呀？但當我知道係即叫即造，來到時真係熱辣辣，蘋果起核後原個蘋果放入酥皮裡面焗，酥皮十分之鬆脆，出爐後切開四份上枱，真係
拎起手上的Menu，與我係瀰月屋初期開張時的好似差唔多，不過呢間時不時會有Ｄ「期間限定」的甜品名貼係牆上，想試新野一定要留意啦，不過今次我來嘅目的唔係「期間限定」，而係＜原個焗蘋果批＞ ，另外又掛住宇治金時刨冰，所以就揀咗＜赤豆抹茶豆腐＞ 。
當我點餐時，店員表明＜原個焗蘋果批＞ 要等25分鐘，因為係即叫即製的，問我有冇問題？OK，照上丫唔該！
先來＜赤豆抹茶豆腐＞ $33
只係等咗約６分鐘便上枱，分量唔大，個碗更似我係吉吉島$１２店買果Ｄ添，不過用上小木匙都幾靚。
頂層有紅豆粒粒蓉加紅豆蓉鋪係抹茶豆腐上面，綠色的抹茶豆腐好結實且微冷，開頭怕似豆腐花軟淋淋添，原來係有少少實的的嘅質感，唔錯，只是有感抹茶味唔夠重。
而紅豆蓉只是淡淡的甜，當然如果再多少少紅豆就更夾囉。
＜原個焗蘋果批＞ $48
呢個真係幾乎每枱客人都會點嘅，至少我坐低後見到佢係廚房出來都有４~５個喇。其實只睇相嘅話真係覺得好貴，邊值呀？
但當我知道係即叫即造，來到時真係熱辣辣，蘋果起核後原個蘋果放入酥皮裡面焗，酥皮十分之鬆脆，出爐後切開四份上枱，真係都幾大個喎！！
蘋果帶少少肉桂味，中間夾上吉士餡，吉士餡其實都幾甜，好在唔太膩，幾好味！＄48個都算係物有所值嘅。
不過要成個蘋果批食哂都幾係野，最好真係搵多個朋友一齊Share，起碼可以分擔下Ｄ卡路里同叫多幾款野食嘛。
张贴
