豪園麵家 (已結業)

經濟又實惠早兩日因為要去探個朋友所以走咗去黃大仙，平時如果唔係新年都未必會去黃大仙，哈哈，因為黃大仙可以裝返住香。點知今日探完個朋友發現黃大仙啲嘢食都幾抵食，而且附近啲商場基本上要買咩都有，我仲喺黃大仙中心買咗對皮鞋。之後就去咗豪園麵家食嘢，下午茶餐又抵食又經濟實惠，叫咗三個下午茶餐買單大概$157，平均每個人$53。炸雞髀 （ 沙律薯條）下午茶凍杏霜炸雞比好大隻，比隻手仲要大。而且外皮炸到脆卜卜，咬落去覺得個皮香脆可口。由於呢隻係雞髀，所以咬落去都啖啖肉，好多雞肉。肉質唔會話好老好硬。薯條同埋沙律都好正常，同平時其他餐廳食到嘅都差唔多。呢個下午茶餐要$40，雞髀又有沙律同埋薯條，真係覺得幾實惠。紫菜四寶麵再加多杯凍檸樂除咗紫菜之外，仲有牛丸墨魚丸，同埋魚皮餃尼啲，麵條係平時食開嘅撈麵麵，裏面有鹼水味，即刻覺得有懷舊風味。豬手撈麵然後加多杯熱杏霜豬手整到好鬆軟，豬皮豬根豬骨全部都可以咬得開，而且醬汁整到啱啱好，仲好入味。再加埋撈麵嘅麵條有彈性得來，鹼水味又唔會好重，分量仲要唔少，食完成個豬手撈麵其實都幾飽，一啲都唔似下午茶份量，我諗同我平時出街食嗰啲午餐份量都差唔多，呢個豬手撈麵都只係