影片
更多
2017-08-08
3344 浏览
有好朋友上網睇到呢度有優惠，眼見做梗暑假promote 十歲以下小童免費，立即組成一大班朋友帶埋小朋友去食餐勁嘅。係食之前已經見到其他食評對呢間餐廳嘅評語都唔錯，仲見到有我最愛嘅生蠔，所 以我都十分期待。一去到我當然要搵左我最愛嘅生蠔先啦！生蠖係澳洲嘅smoky bay ，即場開生蠔，亦都因為公平就每人每次只限拎3隻。樓梯生蠔size偏細隻，但好重海水味，因為師傅開完蠔之後唔係沖水，而係用水浸一浸個掃，再掃走生蠔上嘅碎殼。所以有朋友認為偏咸，我就覺得海水味重都不錯，但的確會蓋過左少少嘅鮮味。另外冷盤有各種火腿：巴馬火腿，沙樂美腸，仲有風乾牛肉（呢款較少見）。仲有幾款沙律，有西式同泰式。海鮮就有龍蝦仔，青口，蝦，蟹腳，龍蝦，螺。我本身只食過龍蝦，幾鮮味，就算唔點任何醬汁都夠味。魚生有：三文魚，吞拿魚，甜被，希靈魚等，三文魚都幾肥美。另有即煮嘅粉面檔，佢嘅配料竟有龍蝦！我2個大女都每人食左一碗面。黎呢度食之前睇過好多食評都讚呢度嘅冬蔭功湯好味，黎到梗係要試下！的確冇介紹錯，好香好濃亦夠辣，仲有好多香料夠哂惹味，入面仲好足料，有好多蝦同龍蝦！我飲左2碗！熟食方面都好多款，西式嘅有意粉，千層面
係食之前已經見到其他食評對呢間餐廳嘅評語都唔錯，仲見到有我最愛嘅生蠔，所 以我都十分期待。
一去到我當然要搵左我最愛嘅生蠔先啦！
生蠖係澳洲嘅smoky bay ，即場開生蠔，亦都因為公平就每人每次只限拎3隻。樓梯生蠔size偏細隻，但好重海水味，因為師傅開完蠔之後唔係沖水，而係用水浸一浸個掃，再掃走生蠔上嘅碎殼。所以有朋友認為偏咸，我就覺得海水味重都不錯，但的確會蓋過左少少嘅鮮味。
另外冷盤有各種火腿：巴馬火腿，沙樂美腸，仲有風乾牛肉（呢款較少見）。
仲有幾款沙律，有西式同泰式。
海鮮就有龍蝦仔，青口，蝦，蟹腳，龍蝦，螺。我本身只食過龍蝦，幾鮮味，就算唔點任何醬汁都夠味。
魚生有：三文魚，吞拿魚，甜被，希靈魚等，三文魚都幾肥美。
另有即煮嘅粉面檔，佢嘅配料竟有龍蝦！我2個大女都每人食左一碗面。
黎呢度食之前睇過好多食評都讚呢度嘅冬蔭功湯好味，黎到梗係要試下！的確冇介紹錯，好香好濃亦夠辣，仲有好多香料夠哂惹味，入面仲好足料，有好多蝦同龍蝦！我飲左2碗！
熟食方面都好多款，西式嘅有意粉，千層面，有羊架，有少見嘅馬介休球，有薯蓉等，羊架有點乾，馬介休球唔錯但偏淡，不過我好想推介薯蓉，雖然去自助餐食薯蓉好似好唔抵咁，但真係好滑好香，仲有少少黑松露味！牛扒就偏鞋。
呢度仲有個印度菜嘅Corner,有咖哩雞，咖哩羊，咖哩雜菜，咖哩魚，仲有我好愛嘅胡椒脆餅，點個薄荷醬食真係正！熱食仲有中式：蒸魚，炒東風螺，薑蔥龍蝦，燒味。
泰式嘅有：酸辣魚，泰式龍蝦等。
甜品方面算多，特別係生果，除左有平時嘅瓜類之外，仲有原粒芒果，龍眼！
仲有中式甜品，有馬仔，白糖糕，芝麻糕。
雪糕係movenpick 仲要有好多味揀，個人推薦tiramisu 同espresso 同朱古力，另有得即場叫人整個waffle 放係雪糕下面！
更值一提係因為知道暑假特別多小朋友黎，呢度有個candy bar，小朋友個個見到仲雙眼發哂光！呢度每人7折加埋一都係500蚊，有生蠔，龍蝦，仲要唔洗分時間，由6點半食到10點，所以我地個個都食到捧住個大肚腩走人！
唯一係唔知係咪因爲我地成17個人，加上又坐係餐廳盡頭嘅角落，所以換碟就好慢了...好多時我地都塞滿一檯碟呢....但其他服務都ok嘅。
张贴
