爭鮮迴轉壽司 (已結業)

第一次同老公試呢間壽司店, 諗住閒日應該唔駛點等位, 點知都係要排長龍。既然一埸0黎到, 又見$8/碟咁抵就等下啦!排隊期間, 我0地攞個MENU0黎望下, 見到有D係$8/1件, 有D係$8/2件, 刺身都係$8/3件, 青瓜軍艦更加係$8/6件添, 好抵呀! 不過唔知輪到我0地果陣會唔會俾人攞晒我0地最愛0既三文魚呢?等0左半個鐘到終於輪到我0地喇, 裡面真係全部$8/碟, 無取巧喎, 一於瘋狂任食! 第一碟攞0既就係厚玉子壽司, 唔知係咪太肚餓0既關係, 覺得非常好味, 厚玉子唔太甜, 中間仲有少許蟹籽飯, 感覺比普通0既玉子壽司可口同有嚼頭!正當我食到得意忘形之際, 突然發現一碟碟0既三文魚0係我身邊「游」過, 我當然唔會錯失機會, 一下子拿下2碟三文魚壽司+三文魚刺身, 味道也不錯, 沒有將價就貨。細心留意下, 原來條輸送帶係有分區域0架! 有握壽司區, 三文魚區, 軍艦區、甜品區......呢種井然有序0既安排令我對爭鮮0既印象不錯哩!我0地只用了20分鐘就食0左15碟壽司, 埋單都係$132, 好滿足!