隱世貳館 (已結業)

一班朋友一直都想食重慶燒烤，咁日約齊成班人黎到沙田博康村「隱世貳館」一試朋友推介既自助重慶燒烤。這兒交通方便，近馬鐵沙田圍站，落左馬鐵唔洗好耐就到。價錢方面：大人１１８，小童９８，包兩包野飲，任食２小時半。今日雖然係閒日，但都唔少有人，如果太晏黎可能會無位。個燒烤爐大小合適，大約可以同時燒廿串，今晚我地有位負責燒既大廚朋友，真係多得佢我地先食得咁開心，嘻嘻。閒話就唔多講了，直接講野食，野食種類尚算多，以肉為主，有各式燒肉串、雞翼、腸、魷魚等等。食材盤都有蓋，唔洗太怕有乜昆蟲，但始終都係室外，唔多唔少都有ｄ，總括而言食材比我既感覺都係乾淨清潔。提一提個蓮藕串，平時蓮藕都食得多，但我就係未試過羅蓮藕燒野食，原來食落都不錯吃。另外講下我喜愛既錫紙金菇，味道好清淡，最好自行再調味，但一包份量……太少了！百零蚊可以食到好飽，食材都算新鮮乾淨，以這個價錢來說很抵。