金記冰室 (八號花園) (已結業)

今晚約左家人去到我家大埔附近(金記冰室)食飯，餐廳內好多檯都坐滿了人，坐下來即時叫了我最喜愛的鐵板雜扒，不久見店員上菜時，已聞到鐵板的香味來，大家準備好了，不用客氣的，盡情享受美食!鐵板美式雜扒餐配意粉$80分別有雞扒、豬扒、牛扒各一塊，仲有煙肉、腸仔等，份量十足，真係好抵食，最緊要就係保持到食物質素。香菇肉碎炒豆角，好夠鑊氣，好夠味道，正。豆豉蒸黃立倉，肉質好嫩滑，豆豉味入哂條魚到，令到黃立倉十分惹味。祕製咖哩牛腩$68，牛腩好濃咖哩味，又不會太辣，餸飯一流，值得推介。招牌菜少不了，仲有其他中式小炒。