賀喜 (美孚新邨) (已結業)

本人最鐘意食日本菜，所以今日，就去左美孚新邨樓下間日本菜，見門口餐牌有定食，價錢適中又幾吸引，所以即刻入去試下。一入去完全吾洗等位，我叫左個炭燒雞扒定食。等左十五分鐘，因為要即叫即整。定食仲有配上燉蛋同面市湯。雞扒方面，食落味道比較淡味，吾夠香脆，但就無咁熱氣。另外，燉蛋，好滑溜，一啖啖入口帶點咸味道，夠晒醒胃。再試埋面市湯，湯入面配料有豆腐同昆布，一入口好清淡，鮮甜，而且吾會太過咸，比較健康。總括來講，值得一試。