影片
更多
2019-06-17
242 浏览
一入去門口就見到裝修同佢個集團其他既放題好唔同。可能果日平日唔算多人食，侍應俾左個好闊落既位我地3人坐。佢既放題分左兩part，甜品雪糕某啲熟食要出去自己攞，而刺身果啲就要用手機落單。本來覺得手機落單會好唔方便，又要download個app再scan QR code。不過好彩佢有提供wifi，而且唔使逐次落單都用好多紙，好唔環保。第一round出左去攞啲熟食，有章魚丸、咖哩魚蛋、藥膳雞腳等等既港式小食。雖然並唔係佢地既主打食物，但製作一啲都唔馬虎，質素中上。值得一提係個雞腳，連埋啲湯飲，中藥味道唔會太濃烈，唔錯。野飲既種類都好多，一般放題既都有。但佢更加多韓式飲品，同埋仲有清酒等等品同種類既酒！如果有朋友係酒鬼黎呢度食放題就最啱！刺身方面，重點係有拖羅！平時放題根本無得你揀，但呢度仲要係飲食！質素亦都唔差。而出面仲有海膽手卷，份量完全唔求其，海膽仲多過平時出去散叫。壽司方面，普通放題有既佢都有。特別一提係佢有好多唔同配搭既卷物，味道幾新鮮。熟食方面有和牛鐵板燒、麻辣酸菜魚等特色野，味道都唔錯。有啲名貴啲、要花心思既菜式例如係燉鮑魚花膠、椰子雞湯等都幾好味，即使有啲麻麻地日本野既朋友，黎
佢既放題分左兩part，甜品雪糕某啲熟食要出去自己攞，而刺身果啲就要用手機落單。
本來覺得手機落單會好唔方便，又要download個app再scan QR code。不過好彩佢有提供wifi，而且唔使逐次落單都用好多紙，好唔環保。
第一round出左去攞啲熟食，有章魚丸、咖哩魚蛋、藥膳雞腳等等既港式小食。雖然並唔係佢地既主打食物，但製作一啲都唔馬虎，質素中上。值得一提係個雞腳，連埋啲湯飲，中藥味道唔會太濃烈，唔錯。
野飲既種類都好多，一般放題既都有。但佢更加多韓式飲品，同埋仲有清酒等等品同種類既酒！如果有朋友係酒鬼黎呢度食放題就最啱！
刺身方面，重點係有拖羅！平時放題根本無得你揀，但呢度仲要係飲食！質素亦都唔差。而出面仲有海膽手卷，份量完全唔求其，海膽仲多過平時出去散叫。
壽司方面，普通放題有既佢都有。特別一提係佢有好多唔同配搭既卷物，味道幾新鮮。
熟食方面有和牛鐵板燒、麻辣酸菜魚等特色野，味道都唔錯。有啲名貴啲、要花心思既菜式例如係燉鮑魚花膠、椰子雞湯等都幾好味，即使有啲麻麻地日本野既朋友，黎到都有好多選擇。
甜品選擇都好多，特別在有馬卡龍，同埋好多唔同種類既蛋糕。而佢地雪糕係好出色既，Haagen Dazs 任食，味道仲要唔係regular既味道，出乎意料地有日本既special flavour，好抵讚。唔啱食既仲有milktop、韓國雪條任揀，大把選擇。
最後不得不讚服務好好，唔似一般既放題既侍應好衝忙咁，佢地好似專人服務咁，由download app到收碟都做到無微不至。
张贴
