影片
更多
2017-05-18
386 浏览
雖然呢間放題餐廳就係我屋企隔離小小，但我一直都冇諗過黎試，因為自己一個就唔係好想食，身邊啲朋友大多數又唔大食，多為唔肯食放題。呢排要準備搬屋，所以想趁仲未搬走之前試下附近未試過既餐廳。原本係想黎試下佢地既午市套餐就算，但係岩岩好嗰晚飢腸轆轆又諗到呢間好似宵夜時段比較平，於是就鼓起勇氣一個人黎！9:50左右到餐廳，用左前10分鐘剔野落柯打，然之後啲野食就好快上枱，雖然有漏幾樣，但都算幾好。第一轉主要係刺身、壽司同串燒。刺身都算新鮮，但係吞拿魚就唔得，好似雪左太耐咁，已經冇曬魚味。甜蝦細細條，冇咩特別；可惜呢度冇帆立貝，得小貝柱，好細粒，更係冇帆立貝嗰種口感。壽司味道全部都唔錯，但係米就俾太多，海膽手卷得細細舊海膽，淨返8/10都係飯😰 其實學下其他間放題俾少啲米會好啲。串燒我點左幾樣，但第一轉漏得比較多，後尾我又剔左一張新紙就全部都齊曬。個人覺得串燒好好味，牛舌同雞軟骨係埋飛佛！讚。之後就上左炸物（包括天婦羅）同其他小菜。天婦羅都炸得唔錯，如果天婦羅汁可以俾啲蘿白泥會更加好。其他炸物都算不過不失，熱辣辣脆卜卜，吉列蠔同大蝦都幾好食，唯一既美中不足就係冇俾蛋黃醬，可能真係要自己問佢地拎掛，
呢排要準備搬屋，所以想趁仲未搬走之前試下附近未試過既餐廳。原本係想黎試下佢地既午市套餐就算，但係岩岩好嗰晚飢腸轆轆又諗到呢間好似宵夜時段比較平，於是就鼓起勇氣一個人黎！
9:50左右到餐廳，用左前10分鐘剔野落柯打，然之後啲野食就好快上枱，雖然有漏幾樣，但都算幾好。第一轉主要係刺身、壽司同串燒。刺身都算新鮮，但係吞拿魚就唔得，好似雪左太耐咁，已經冇曬魚味。甜蝦細細條，冇咩特別；可惜呢度冇帆立貝，得小貝柱，好細粒，更係冇帆立貝嗰種口感。壽司味道全部都唔錯，但係米就俾太多，海膽手卷得細細舊海膽，淨返8/10都係飯😰 其實學下其他間放題俾少啲米會好啲。串燒我點左幾樣，但第一轉漏得比較多，後尾我又剔左一張新紙就全部都齊曬。個人覺得串燒好好味，牛舌同雞軟骨係埋飛佛！讚。之後就上左炸物（包括天婦羅）同其他小菜。天婦羅都炸得唔錯，如果天婦羅汁可以俾啲蘿白泥會更加好。其他炸物都算不過不失，熱辣辣脆卜卜，吉列蠔同大蝦都幾好食，唯一既美中不足就係冇俾蛋黃醬，可能真係要自己問佢地拎掛，但係正常黎講間間餐廳都應該同炸物一齊附上架。。最後又叫多左一轉刺身，仲有一份味噌牛舌，炒牛柳粒（呢個唔得，肉太硬身好難咀嚼）同炒野菜（淨係食左一半，因為太咸）。串燒又叫左燒羊架同燒牛粒，但唔知點解又上左兩串雞翼（我冇叫），可能柯打搞錯左，但呢幾樣都唔好食，太乾身。
最後就冇時間食甜品了，同埋我覺得我真係食左太多野，回本係絕對既，仲飲左三支sake（可以自己去一個桶嗰度斟）同一罐烏龍茶。$230食咁多野真係抵呀！
张贴