定食8 (已結業)

朋友帶我黎呢間定食8食晚餐，一打開餐牌真係俾佢既價錢嚇親，牛扒定食仲要無限添飯、沙律、湯都只係$48。岩鹽牛扒定食: 牛扒煎得好香，生熟適中，但有啲筋同有少少韌。點埋鹽食更加好味，牛味更突出。特上盛海景丼: 質素唔錯既魚生飯，甜蝦大隻肉又鮮甜，三文魚有少少入口即溶既感覺，呑拿魚肥肥地同鮮甜，三文魚籽完全唔會有腥味。茶碗蒸: 蛋味好香濃，有魚蛋、菇、蓮子係入面，非常抵食只係$10。味噌湯好好飲，有魚、豆腐、蘿蔔呢啲配料係入面。用湯撈飯食好好味，食得好多既朋友可以試下。以呢個價錢黎講好抵食，食物質素高又有得添湯同飯。一定會再去試其他定食。