大將 (已結業)

好耐無去將軍澳，趁假期就去行吓街。 Popcorn商場好多嘢行，七點鐘見到有間餐廳門口要等位，又去等埋一份。原來係新開嘅日式火鍋放題店，食美國和牛$218、澳洲和牛$258，咁抵，難怪咁多人等~店內裝潢光鮮明亮，食品飲品擺放得井然有序。 凍飲熱飲俱全，熱咖啡、奶茶、朱古力都有，女生飲熱飲比較好。澳洲和牛顏色鮮艷，油脂豐富，肉味香濃，很喜歡呢！ 五花肉和特選雞腿肉肉質都好彈牙，要不斷encore。醬汁有椰子芫茜汁，第一次見，估唔到味道好好，好有新鮮感。湯底骨膠原雞湯同花生沙嗲湯都唔錯，下次會揀昆布湯，清啲可以食多啲肉，哈哈！食完出面亦有啲小甜品。 仲有唔可以錯過嘅軟雪糕，好多配料同醬汁可以隨意配搭。 窩夫係自己整，新鮮熱辣又有趣。