老掌櫃東北菜館 (海之戀商場)

营业中

休息中

第一次去荃灣西站， 朋友介紹我嚟呢一間食川菜， 朋友通常都係買外賣，都係第一次堂食。 原來堂食有一個好靚嘅海景，不過坐露台就冇冷氣。 佢哋會開一把好大嘅傘比我哋。 今日涼涼地唔係太曬感覺好舒服。今日我哋兩個人叫咗三個餸， 兩個小食， 兩罐汽水。都係184蚊埋單。水煮魚，味道幾好， 雖然係急凍魚柳，但係啖啖肉都幾好食， 下面有啲薯粉雲耳菜，四十幾蚊可以喇。紅燒肉，肉質比較鞋，味道可以。回鍋肉，好味。另外再追加雞絲粉皮同埋豬耳仔， 每款都係十幾蚊。 兩款都好好味。午餐嚟講真係又平又好食。