老川皇

营业中

休息中

放咗工同朋友去佐敦搵嘢食，見到呢間餐廳都尚算幾多人，於是就去試吓啦。打開個菜單，價錢真係非常之平民化！一個擔擔面即係20幾蚊，每碟餸都唔算太貴。我同我朋友一個食得辣一個唔食得，餐廳都唔錯，雖然係食川菜，但菜式都有辣有唔辣任君選擇。首先要講下呢個擔擔麵，真係非常之極品！係我食過最辣嘅擔擔麵！如果鍾意食辣野嘅真係要一試。我同我朋友都辣得好過癮。另外我哋叫咗個炸饅頭用嚟解下辣，細細地，外脆內軟，加埋啲煉奶，用嚟解辣一流！另外我哋仲要叫咗宮保雞丁，香香地，唔算太辣，但有好香嘅辣椒味！用嚟送飯絕對一流。不得不提，呢個蟹粉豆腐完全唔辣！好香蟹味，而且份量好足！就算三四個人一齊食都絕對冇問題。