新翠華茶餐廳 (已結業)

今日我哋一家四口開開心心喺太古城中心同吉之島百貨行街街shopping，行到七點半左右，開始覺得肚餓在諗緊去邊到食飯之際，收到個朋友既電話約食飯。大家言談之間，朋友話筲箕灣有間食煲仔飯好正，咁啱入秋，食煲仔飯啱晒！

聽到朋友說餐廳名「新翠華茶餐廳」，即刻問係唔係之前銅鑼灣登龍街用炭爐煮煲仔飯嗰間，朋友話：「係呀！佢番咗嚟啦！」我哋感覺好懷念！因為真係好好食！

原來這間新舖除咗煲仔飯好食之外，佢有啲新既小炒，都一檥咁正！

是日晚餐餐單：
椒鹽九肚魚 -- 唔食唔得
胡椒花甲豬肚湯--胡椒味夠，唔會辣過頭，如果花甲再大隻啲就perfect!
煎蚝餅--蚝仔唔太夠，粉多咗啲。
椒絲腐乳生菜x沙爹炒介蘭--好味，夠鑊氣！
主角＂三國鼎立煲仔飯-荔茸肉碎，蝦醬豬頸肉，蠟腸滑雞＂--必啅！無得頂！

個個都讚不絕口，食物水準同食物款式比以前更多更好味！