碗屋 (已結業)

幫襯碗屋放題，至少有20年，由新世界大廈地庫，去到而家呢個舖頭食物質素，係冇問題嘅，我比較小心食日本刺身，係碗屋你就可以放心，同行友人鑑定赤貝係好新鮮，其他刺身，質素好，擺盤靚。有尊重嘅感覺好多鐵板燒出品例如係鵝肝牛肉，冇問題燒多春魚，帶子，蝦，雞軟骨冇問題。員工，我認得都係個批人，服務態度OK，走單情況唔嚴重咁最有問題係咩呢？係個環境，呢度細咗好多，迫咗好多，枱同枱之間實在太迫，成日聽到隔離枱嘅秘密，可能近上環，客嘅檔次，冇可能同新世界大廈地庫嘅時候相比。我食唔慣極上大喜屋， 我覺得碗屋唔錯，君悅酒店嘅鹿悅，又冇再做放題，日航酒店嘅嵯峨嘢就……你懂的，連個酒店名都易手，剩返半島酒店嘅今佐，但其實款式唔係咁多，價錢就係碗屋兩倍（接近）碗屋，你可以就走更高檔次！