元気寿司

营业中

休息中

是日平日下午茶时间 2:30pm,去到淘大好肚饿想食寿司,即刻谂起元气,贪佢快靓正。点知......2:34pm系我地坐低左既时间,一坐低拿拿林点餐,呢度系人手落单,叫左两个下午茶餐再加寿司。由于平日嘅关系,眼见所有卡位坐满晒,回转位置就比较空,大慨3分1入座率。不过即使人唔多,冷气都严重不足,我地坐个位系完全无风,有d热。因为好肚饿所以特别心急,四围望下见到比我地早入座嘅客人大部份都未有野食,有既话都得两三碟寿司,而回转带一直只系得一客炸虾卷,当然我饿极都唔会拎个一客寿司嚟食啦平时去开元气高速带非常之快,差唔多系一落单就有寿司送到,今日系度竟然等咗近半个钟,不论系下午茶套餐嘅乌冬,薯饼,定系散点的寿司,一慨都未黎忍唔住叫侍应帮我哋跟下, 结果等多五分钟,即系足足半个钟,野食先至到。最唔ok嘅系...等咁耐竟然乌冬&薯饼都只系微暖即系话乌冬薯饼其实一早整好左??仲有呢度既侍应系唔会主动帮食客收走食完既碟,呢样同其他分店好唔同,服务质素有落差。平时经常帮衬唔同元气分店嘅我,对呢间淘大分店真系要俾负评。