鍋 (已結業)

今日跟住社交平台去搵食，見呢間喺大角咀埃華街嘅韓國菜賣相幾好，早啲去食晚飯人少啲。兩個人嗌咗個「豆芽炒豬腩肉八爪魚鍋」，好多菜墊底，上面鋪滿一層薄片豬腩肉片，再有兩隻大啲嘅八爪魚，成個賣相好得，不過我覺得太甜，如果放多啲辣泡菜就正喇。「豆腐海鮮鍋」就唔係好得，得三小塊豆腐，兩粒蝦仁🍤，兩粒連殼蜆，啲湯又太濃太辣，就咁飲啲湯覺得好濃味，撈飯食會好啲。下次再嚟可以唔使叫呢個。