陳勤記鹵鵝飯店 (已結業)

另一半生日, 專登請假一天, 同佢玩番日, 先去Ocean Park玩, 再去上環陳勤記食鹵水鵝.....去到陳勤記都9:25pm, 非常肚餓了, 未睇餐牌就即刻order咗個鹵水拼盤同小窩蠔仔粥......鹵水拼盤包含咗掌翼一隻同些少鵝肉, 豆腐2大件再切細件, 豬腸同鹵肉各幾小件, 份量係小型 掌翼同鵝肉鹵得入味, 豬腸仲入味, 可以說是頂瓜瓜, 鹵肉不肥不膩, 味道剛好, 可惜份量太少, 我們只得3人, 都嫌不夠食呢!蠔仔粥味道不錯, 蠔仔都算大粒, 小窩亦要$62, 3人可分每人兩小碗另一讚是魚蛋魚皮餃河粉, 魚蛋算OK, 略嫌不夠彈牙, 但魚皮餃有驚喜, 味道恰到好處, 湯底及河粉能配合清新, 不錯, $28/碗亦有order煎蠔餅, 係4款中較失望, 蠔仔雖然大隻, 但蛋漿落粉較多, 出嚟賣相是不錯的, 但一口吃下, 底部黏粉一"舊舊", 不夠香脆乾滑, 有些少失望, $62總體算不錯, 港童話想嚟多次, 隨緣啦!