金潮榕火鍋刺身專門店 (已結業)

一大班人食咩好，西餐？中菜？日本菜？其實係打邊爐最好，因為可以慢慢食，每款食小小，傾傾下又烚下野食由於之前黎過，所以朋友一致認同再黎刷餐大既。我地一行12個人，緊係要打電話訂位啦，安全點嘛。上開飯發現有優惠，但星期五就要晏到9點後先有優惠，所以我決定在星期四食，哈哈 我地太多人，就安排了坐上層，一坐低緊係睇下叫咩野食啦。落單前我俾左印好的優惠卷侍應，今餐火鍋配料8折，仲有優惠價$88食象抜蚌刺身點可以輸架經過一輪點餐，我地最後係。。。成台都係野食，嘻嘻，咁先叫食盡去1）手切牛肉必食，因為太有牛味啦，過一過湯就食得，好好味2）雲呑，蝦好爽，就算烚左好耐都無散開3）響鈴，好脆，可即食，仲有汁點架4）手打丸，size 適中，一口一個5）好似係魚唇，出面未見過用黎打邊爐，又幾好食，好似食魚翅咁6） 豬肉粒，咬落去好多汁咼，咩豬黎架7）象拔蚌剌生，好鮮甜，88蚊，好抵食8）聖子皇，烚幾十秒就食得，無沙，仲有粉絲好爽9) 魚湯花甲湯底，好鮮甜，每人飲左半碗先打邊爐，平時好小飲湯架10) 炸午餐肉，好脆，但乾左小小，要改善一下，唔好炸咁耐總結，我地食左每人3百幾，價錢尚可，食物質素幾好，侍應服務幾好