蘭芳園 (已結業)

本來諗住求其食個飽, 去到澳門先開始美食之旅, 點知早咗到, 咁就轉軚去蘭芳園食個豐富早餐. 唔係係唔係習慣咗客人通常都趕船, D侍應姐姐好快手同好心急. 一坐低已經企定定等你落order😂我哋叫咗喊牛肉炒蛋加奶油豬, 同埋火腿通粉加腸仔炒蛋. 所有野極速上枱. 價錢係比普通茶餐廳貴少少不過係幾好味. 炒蛋滑但又唔會出水. 個通粉嘅湯比普通茶記濃郁. 奶油豬熱辣辣唔會toast 得太脆, 牛油同奶油比例剛好. 一D都唔hae. 如果想去澳門前食個又快又滿足嘅早餐都係一個幾好嘅選擇