Med Chef (已結業)

放工去尖沙咀行下兼食飯,行到多野食既厚福街中段向上望發現一個大大螢光粉紅燈寫住med chef, 好奇既我於是上去試下。一上到去黑黑暗暗加上牆身有兩三個大大螢光粉紅med chef字牌燈吸晴同埋看到廚師煮菜既open kitchen。安排好坐位後有年青待應介紹佢地餐廳有大麻二酚CBD加入食材同飲品可有放鬆減壓之效。點餐係用QR code, 佢地特別有素菜vegan既人亦吾駛擔心。我地點左香烤白醬啤酒薯條, 威靈頓三文魚配秘魯黃椒醬, 薩他羊架配楓香乳酪醬伴蘋果玉桂藜麥沙律同Sunset IPA。個啤酒薯條賣相好似倒吊八爪魚腳好型, 大大條好似Wedge既香口好配個白醬酸酸甜甜好開胃, 威靈頓三文魚外脆內軟,三文魚係半熟吾鞋, 羊架份量好足肉質好林配個醬亦好甲個味道 。CBD啤酒飲料亦不錯, 雖然冇特別覺得CBD有令我特別放鬆, 但整體來說係一間食材好,老闆用心做食又有林頭既餐廳, 值得一試。我地走既時候全店滿座亦有人等, 要去之前記得打去book定枱。