好好上海小館 (已結業)

呢間係2014及2015年連續兩年都攞到港澳區米芝蓮嘅小店, 係要幫襯下。咁啱經過, 嚟試下你啦。餐牌、同埋喺牆上面都顯示咗有好幾款傳統嘅選擇, 例如嗰啲上海啲「筍」呀嗰啲小食, 依家唔係度度餐廳會有。叫咗兩個簡單嘢: (1) 秘製手切粒粒菜飯套餐, 揀咗豬扒菜飯。豬扒幾好食菜生日都好唔錯好特別份量充足, 味道傳統。(2) 蘇式炸豬扒麵, 麵身好幼, 好似廣東雲吞麵, 但食落又唔係廣東雲吞麵嘅味道。感覺好古怪, 我始終都鍾意食白雪雪嘅上海或者北方麵。蘇式炸豬扒亦都係好味, 好ok。( 但我估「蘇式」呢兩個字體冇乜意思嘅。)好得意嘅組合, 唔知佢算係正宗定唔正宗, 但好味。(3) 凍豆漿, 好好味, 新鮮有豆香。