咁呢間烤肉好似幾吸引吓，所以就落咗樓梯入去。
見佢地promote緊個十二星座－八色燒肉，二人再送仙境純情豚。
所以我同我friend梗係第一時間叫咗呢樣啦。唔好睇佢好似得幾片肉咁少。其實因為係放題，所以嗰八色燒肉（雞同埋豬）係可以無限在要！搞到我食咗一陣已經飽飽地～
講起和牛，呢度啲選擇都唔少。牛舌，牛粒，薄牛，牛胸腹，仲要全部都有兩款或以上既醬汁調味提供。我最鍾意就係燒汁同埋胡麻兩種味，唔知點解，就係覺得特別好味啲。
講起燒肉又點可以少得其他款色既豬肉呢。豬頸肉，薄豚，豚柳片，呢啲都好好味。本身驚未熟，所以呢啲都烤耐啲，但估唔到唔老唔乾仲係幾嫩，食落好開心😄
除咗燒肉仲有壽司同埋炸物offer。質素唔差，仲幾好味。尤其係啲天婦羅都可以講係皮薄，炸得好鬆脆唔油膩。
最後我覺得好特別係有海鮮燒烤提供。完全無諗過會有，叫咗好幾種，最鍾意係多春魚同埋龍脷魚。至於烤菠蘿我覺得真係好好好特別。重來都無試過，但原來烤一烤係咁好味。鮮甜多汁，認真好味，所以菠蘿片我唔理點都叫多咗幾塊 xdd
