同和粥麵 (已結業)

同和有個中式早餐好少見：白粥、咸旦、炸菜再配芽菜炒麵。一般食開嘅不外乎公仔麵，炒旦、通粉、咖啡奶茶多士麵包，真係未試過咁嘅組合。之前幫襯過，一向出品都幾穩陳，所以有少少期待。粥煲得好綿，入口陣陣魚香兼鮮甜，咸旦油潤甘香，炸菜咸辣同白粥又好中和，炒麵上枱重熱辣辣，少油爽身，芽菜又夠多，甚麼調味都唔需要再加。成個早餐各種味道好夾好舒服好醒神！生活上如果有咩未解決倒，建議大家來食呢個中式早餐、定定神、飽一飽，一定想得通！