巧得鍋 (已結業)

雖然今日已經係夏至，但是都阻止不到我同朋友打邊爐的興致！放工即到一早預訂了的巧得鍋。因為人小小2人食，單點又不能點太多種類，所以點巧得set簡直是無得輸！咩都有啲，重點還有個牛肉拼盤，仲包一杯飲品。邊爐當然最重要是湯底啦，我們點了滋補花膠燉竹絲雞鍋，未打前店員提議我們可以先飲碗湯，鍋到有兩大舊花膠，竹絲雞，大量材料，嘩一飲，feel到真煲湯味，十分鮮甜。大拼盤樣樣都有啲，連廣島蠔，刀貝和帆立貝都有，海鮮十分新鮮好食。邊爐當然要食丸同餃子啦，質素都十分好，由其是手打蝦丸，彈牙又鮮蝦味。最愛的牛肉份量意料之外大，有4種肉類，每樣都牛味濃郁，又唔會太肥，正！飲品我們點了檸檬青蘋果和鮮果特飲，兩杯都酸酸甜甜，解油膩一流，食完仲送上西瓜飯後果，簡直完美！