尖東好彩海鮮酒家海景宴會廳

营业中

休息中

有朋友係美国返嚟，請佢食飯。原本想去鲤魚门食海鲜，但吾夠時間，后尾係〈開飯喇〉揾到尖東好彩。未去過，不过見佢有落地窗，又有海景，於是4女4男去好彩。記得過日係周2下午8点。去到見到半滿，但有窗口位，又冇花生小食擺係枱，食吾食都計數，己有好感。招呼都幾好，伙記話今日東星好，於是就蒸魚，白灼中虾，燒味双併，薑汁介蘭，燒骨，三杯雞，茄瓜煲。但上菜後，發覺D碼都幾細，個friend 又喜歡燒味，於是加半隻乳豬。條魚最好味，蒸得非常好，雖然事先冇俾我睇吓过碼大細，但由800幾減到500幾，話造緊特價，冇嘢講!其它燒骨係新鮮燒，肥廋適中，中虾亦好好，好滿意。大約$16xx结數，但知道用信用咭俾貼士盡歸老細所有，於是就另外用cash打掌。總体上非常滿意，雖然大路貨，但好食，好招呼，又吾迫，一定会再去。