影片
更多
2006-04-07
27 浏览
一般寫食評我都唔會寫快餐店, 因為品質基本上係standardized 左, 冇咩好講, 但今次真係有種不吐不快之感。有一晚趕住去踢波, 就求其去左最近地鐵站既呢間大家槳, 叫左個滑蛋粟米斑腩飯, 再加9 蚊加多個素翅, 等左好耐先有得攞。賣相唔太討好, 都算啦, 食左兩啖飯, 個汁都ok, 點知一咬落舊斑腩度, 嘩!!腥到爆囉唔該, lur 都lur 唔切, 都未食過d 咁難食既斑腩囉, 仲要炸左都仲可以咁腥, 真係難得。即刻拎碟飯同個經理理論, 叫佢試左舊, 佢都即刻換俾我, 但都冇咩「對唔住」or 「唔好意思」的感覺囉。換左個南瓜焗肉醬意粉, d 南瓜好似識隱形咁, 無色無味, 食左都唔多覺, 同一般既肉醬意粉完全無分別。仲好似煮得太淋, 個質感似湯意粉多過似焗意粉。食完仲見到碟底勁爆多油, 都唔知d 油邊度黎同點解會有咁多油囉。個翅都整得好差, 一「pat pat 」, 杰到好似膠水咁, 仲要杰得黎又好喊, 街邊求其整兜碗仔翅都好過佢多多聲。因為趕時間, 再難食都拿拿聲填飽個肚就算, 再即走。灣仔成6 間大家樂最差都算係呢間喇, 下次唔駛指意我再幫襯, 情願行遠d 去胡忠大廈果
有一晚趕住去踢波, 就求其去左最近地鐵站既呢間大家槳, 叫左個滑蛋粟米斑腩飯, 再加9 蚊加多個素翅, 等左好耐先有得攞。
賣相唔太討好, 都算啦, 食左兩啖飯, 個汁都ok, 點知一咬落舊斑腩度, 嘩!!腥到爆囉唔該, lur 都lur 唔切, 都未食過d 咁難食既斑腩囉, 仲要炸左都仲可以咁腥, 真係難得。
即刻拎碟飯同個經理理論, 叫佢試左舊, 佢都即刻換俾我, 但都冇咩「對唔住」or 「唔好意思」的感覺囉。
換左個南瓜焗肉醬意粉, d 南瓜好似識隱形咁, 無色無味, 食左都唔多覺, 同一般既肉醬意粉完全無分別。仲好似煮得太淋, 個質感似湯意粉多過似焗意粉。食完仲見到碟底勁爆多油, 都唔知d 油邊度黎同點解會有咁多油囉。
個翅都整得好差, 一「pat pat 」, 杰到好似膠水咁, 仲要杰得黎又好喊, 街邊求其整兜碗仔翅都好過佢多多聲。
因為趕時間, 再難食都拿拿聲填飽個肚就算, 再即走。灣仔成6 間大家樂最差都算係呢間喇, 下次唔駛指意我再幫襯, 情願行遠d 去胡忠大廈果間好過。
张贴