影片
更多
2009-08-25
11 浏览
近呢年已經覺得呢間嘅食品水準日漸下降, 冇諗過今日差成咁.同朋友嚟呢度食晚飯, 見中銀做緊套餐優惠, 二人$168, 於是叫了一客.頭盤係炸魚餅, 蔗蝦同炸雞翼, 魚餅好削, 一舊仔軟林林, 一啲都唔似"餅", 亦冇乜彈性, 似魚腐多啲. 蔗蝦好細舊, 味道還可. 雞翼不過不失, 一般水準.主菜係黑椒排骨, 炒雜菜同青咖喱雞. 碟黑椒排骨簡直連快餐店水準都不如, 用粉漿一早炸過, 似乎放咗喺廚房好耐, 上枱前係咁意回一回鑊, 只係微暖, 一咬落去, 死死實實, 成口黐作一團嘅粉漿, 好難食. 下面啲西蘭花直頭係凍嘅, 灼咗之後等咗好耐, 排得整齊, 不過一啲味都冇.炒雜菜冇乜味, 亦只係熱熱地, 青咖喱汁啲味似樣啲, 但係啲雞肉淡而無味, 仲有啲"鞋", 真係食到火都嚟埋.主菜嚟晒之後, 侍應喺我哋提醒下至記得攞餐湯畀我哋, 蟹肉粟米湯, 好稀, 真係例水一樣.因為太難食, 我食咗一半已經打包走, 寧願拎返屋企自己翻熱或再炒過, 好過食啲凍冰冰嘅餸.埋單找數, 要用原價$336先計加一, 再加餐價$168, 夾硬畀佢劏咗$33.6服務費.結果$200至落到樓, 雖然唔算好貴,
同朋友嚟呢度食晚飯, 見中銀做緊套餐優惠, 二人$168, 於是叫了一客.
頭盤係炸魚餅, 蔗蝦同炸雞翼, 魚餅好削, 一舊仔軟林林, 一啲都唔似"餅", 亦冇乜彈性, 似魚腐多啲. 蔗蝦好細舊, 味道還可. 雞翼不過不失, 一般水準.
主菜係黑椒排骨, 炒雜菜同青咖喱雞. 碟黑椒排骨簡直連快餐店水準都不如, 用粉漿一早炸過, 似乎放咗喺廚房好耐, 上枱前係咁意回一回鑊, 只係微暖, 一咬落去, 死死實實, 成口黐作一團嘅粉漿, 好難食. 下面啲西蘭花直頭係凍嘅, 灼咗之後等咗好耐, 排得整齊, 不過一啲味都冇.
炒雜菜冇乜味, 亦只係熱熱地, 青咖喱汁啲味似樣啲, 但係啲雞肉淡而無味, 仲有啲"鞋", 真係食到火都嚟埋.
主菜嚟晒之後, 侍應喺我哋提醒下至記得攞餐湯畀我哋, 蟹肉粟米湯, 好稀, 真係例水一樣.
因為太難食, 我食咗一半已經打包走, 寧願拎返屋企自己翻熱或再炒過, 好過食啲凍冰冰嘅餸.
埋單找數, 要用原價$336先計加一, 再加餐價$168, 夾硬畀佢劏咗$33.6服務費.
結果$200至落到樓, 雖然唔算好貴, 但係以咁嘅食品質素, 真係超唔值. 好似畀人老屈求其煮啲嘢出嚟收你錢, 好慶!!
张贴