MADIRA (已結業)

前一段日子疫情冇咁嚴重，趁機約班好姊妹吹下水， 今次約會地點唔選擇鬧市，而係去將軍澳南嘅餐廳，貪佢靜靜地，唔會太多人，又可以對住海邊舒舒服服傾餐飽。呢間係印度餐廳，但都好多種類食物選擇，有東南亞口味、印度菜及西式，梗有一款啱自己。我哋選擇幾款不同菜式 一齊share下， 傾下，嘆下。😘🍺🍹泰式雞肉串燒燒得一啲都唔太乾，雞肉外脆內嫩 ， 又唔嚡口，dipping sauce好味， 酸酸辣辣。雜菜咖哩角有傳統咖哩角味道， 咖哩香料都夠香濃同餡料雜菜蓉非常夾味。炭燒豬肋骨呢個豬肋骨好有驚喜，賣相不錯之餘份量都好滿意， 個豬肋骨好juicy， 肉質好嫩滑好淋， 好好味， 價錢比好多間餐廳平 ，值得推介呀。酥炸魚外面卜卜脆， 裏面魚肉濕潤， 唔會乾身， 又冇魚腥味，唔錯。成晚同好友係咁食，係咁飲， 真係好開心，期待下一次嘅聚會。