花斑茶社 (和富道) (已結業)

今日同朋友行街，行行吓覺得好有啲口渴，得知附近有間本地黃店，當然要去幫襯下！地方並唔難搵，喺商場落一條電梯就見到，十分方便。而整體店舖嘅衛生不錯，十分簡潔，而旁邊亦建設左一啲位置俾你寫一啲你想寫嘅嘢上去。我就叫左杯黑糖珍珠厚鮮奶，而朋友就叫咗大甲芋頭鮮奶。黑糖珍珠厚鮮奶，賣相不錯，虎紋做得好好，而係味道方面，個人認為偏甜，珍珠頗為Q彈，黑糖味道突出，整體不俗。大甲芋頭鮮奶，朋友覺得都有啲甜，但係入邊有一粒粒芋頭，口感不錯，而且芋頭味都幾重下，飲之前需要搞下佢，令到佢啲芋頭溶下，如果唔係就難啲用飲管吸食。整體來講，CP值都幾高， 而且係本地黃店，推薦大家嚟試吓。