屏山老地方 (已搬遷) 新店位置

聽同事介紹好食好耐，終於放工即趕黎食！位置就係華嫂隔離少少。坐低等齊人時就聽到隔離枱岩岩食完係咁讚。。聽到我覺得佢地好似係做媒咁，見餐牌啲好普通，咪問下點解唔見同事介紹既芒果肉餅飯？店員先話原來好多款式係廚師即日決定既，唔係餐牌到。。於是乎，我地行5人叫左榴蓮肉餅飯，鹹魚肉餅飯，蔴辣芝士煙肉餅飯，蚝豉肉飯，仲有個唔記得係咩？^_^Order完，等食實在太餓，再叫埋黑白奶油豬食。yum yum yummy 好快食晒！期待已久既肉餅飯終於黎！！友人話榴蓮肉餅飯係超好食！話唔食開榴蓮既應該試！我叫既蔴辣芝士煙肉肉飯係好食到你唔信！好惹味！好似有啲部隊鍋感覺！個肉餅係表面煎到好香口，入面係混合得好好！crazy!!!!另外好欣賞既係蚝豉肉餅飯，又係估唔到咁好味，好有蚝既鮮味！其他既我都唔知咩味，因為佢啲份量一啲都唔少，肉餅起碼我手掌咁大，成吋厚，又多飯，不過菜得一條，係男士都覺得食到好飽！好搞笑我地食到好飽都唔夠，仲外賣左拎比屋企人食。好誇張。要推介大家飲佢大話七，係話梅加七喜，好好飲。