有口福車仔麵 (已結業)

今日下畫食左碗印象幾好既車仔麵,間舖叫做有口福,都係經過先識得入嚟,門口係唔多起眼咁食既係一碗腸仔+腐皮卷+紅腸+蘿蔔既米粉,先要講係個腐皮卷,起初以為係浸喺湯淋哂嗰種,點知原來係分開上,抵讚! 雖然饀料唔係好多,但係個皮卜卜脆,好好食,點喼汁食好味啊!其他配料係大路野,米粉份量足夠,唔會太少,都食得飽,蘿蔔無渣,幾好食! 湯底係比較甜, 要加辣會比較刺激啲!另外加枝樽裝可樂,食得好滿意,特別會因為個腐皮卷會再嚟!