雞少去骨海南雞

营业中

休息中

嗰日經過見到間新開嘅咪入去試吓。位置都坐得舒服，嗌咗兩個午餐：豬頸肉同埋雞飯。仲另外嗌咗半份豬手！咁跟餐就會包埋一碗湯。碗湯唔係好多味精，好足料好飲！個豬頸肉嗌lunch set真係超大塊！！！好好食！！！係泰國舖嗰一隻！配埋嗰隻醬汁都超級好味！好送到飯！好想問佢攞多碟醬🥹啲雞個量咁多，但係全部都係滑嘅！！嗰三款醬汁都好好味！佢個蔥油好得意，唔係平時我哋燒味舖食開嗰隻。個豬手啲汁甜甜地咁！係超級可以撈飯嗰隻！啲肉又淋！真係好好味！嘢飲就正常冇乜特別。呢間嘢一定會再encore，再食佢個豬頸肉！！！以佢呢個價錢六十幾蚊咁大嘅量同係好味嘅質素，絕對可以！