The Araki (已結業)

幾經波折，又限聚又疫症，約咗好耐終於食到朋友話全港最貴嘅omakase，仲要食三點，afternoon tea時間食dinner，不過唔緊要啦，有得食就得呢間日本菜主要sell服務，員工仲多過客，嗰日客有六個，師傅都成五六個，侍應有三個。每上一款時，其中一個師傅都會用英文解釋這款的名稱、產地和烹調方法，然後全部師傅會90度鞠躬請我們起筷，感覺非常專業其實每款都很好吃，雖然唔係特別矜貴嘅食材，但質素很高。比較好食的有頭盤鮑魚，炆煮了四個小時，入口非常淋非常入味。最岀色的是墨魚壽司，超級鮮和爽口，真係未食過咁好食嘅墨魚不過最令我驚訝嘅係，我們一行四人，共飲了6個啤酒，一瓶180ml sake，加咗兩個tuna roll，本身一個餐4千加埋一4千4蚊，結果張單3萬6，每人9千蚊埋單可能個tuna roll好貴，特登開條大吞拿魚切少少岀來整兩個roll，一舊就要收一個餐嘅價錢朋友埋完單走咗我先知道，唔係當時問下都好，唔使而家估估下。。。好食就好食，但真係貴咗啲