DAMA (已結業)

和朋友去K11 Musea 行街，經迥呢間DAMA，朋友話聽聞呢間的雪糕好好食，我地就去試下。入到去，位係唔多的，不過我地好好彩，咁啱有2枱人走左，我地4人就可以直接坐2張枱，唔駛等。但係我地坐左之後，有人想來食，會因為未有位而選擇左外賣的。原來唔止有雪糕食，仲有甜品和飲品賣，但今日我地主打就食雪糕。雪糕每日有4款，係那4款就可以看佢地IG ，逢星期一會更新。而我地去個日，就有開心果/榴槤/ 藍莓乳酪/士多啤梨乳酪。開心果雪糕( $68) : 好好食，有啲似豆腐、腐竹味，唔會過甜，食得好舒服。榴槤雪糕 ($68): 我本身唔食榴槤，但來到的時候都覺得好香。我朋友話好少食到榴槤雪糕陣榴槤味好濃郁，佢話真係好香。藍莓乳酪/士多啤梨乳酪:  合併左2個味道，藍莓深色啲，士多啤梨就淺色啲，味道好濃。可能因為係乳酪，酸酸甜甜味。藍莓乳酪味道好搶，覺得稍為酸左少少。我地3個人都叫左cone ，但係其實可以用杯上。今日呢個cone係深粉紅色，影相時好靚，佢有時cown唔一定係深粉紅色的，有時係黑色或其他色的。偶然見下朋友、食下雪糕、行下街，的確可以令人更加舒壓。