豆苗居 (已結業)

终于揾到脚食素菜，好多香港人无肉不欢，要揾朋友去试都唔系易。环观周围亦都系外国人较为多。佢既地方宽敞，亦都几靓几舒服。食物好有惊喜，全部都好好味！头盘系popcorn "chicken"。当然就无鸡啦，不过朋友话食落似鸡。我就觉得一食就知系菇，不过确实整得好香！蘑菇意粉都几贵，不过系signature，一定要试。个汁系好！好！味！真系值得一试。佢用腰果打既酱好香好creamy！同其他相比，呢个饭系无咁大惊喜。不过我好食饭，佢系紫米，加上我估系豆做既札肉同埋用茹做既烟肉。个假烟肉稍为干身，不过个smoke味几香。甜品都好特别。整体上偏唔甜，两款蛋糕都好有果香，所以食落好舒服。记得可可mousse要捞一捞下面啲jam先食，如果唔系会太苦！值得注意佢无service charge，不过会有3％ carbon tax。