明洞包車

营业中

休息中

朋友介紹今日過開黎荃灣嚟試吓，鋪面細細間都幾難搵。唔係朋友介紹，都唔知呢度有一間韓國嘢，Menu種類都好多最後叫咗個泡菜煎餅，醬油炸雞同牛排骨湯鍋。好食之餘份量仲非常多。啲泡菜仲可以refill添，兩個人食非常飽肚差啲要攞走，特別係個牛排骨湯鍋牛味非常濃郁個湯好好飲有埋粉絲真係好飽本身諗住唔夠飽，諗住嗌個白飯，好彩冇叫😝同埋炸雞真係不。得。之。了！啲雞勁脆，勁Juicy,之前我好怕食雞胸，因為由梅又乾又硬但呢度啲炸雞令我重新愛上❣️堅好食🤤六點幾開始食食咗一個鐘頭左右，越嚟越多人，最後埋單加埋一都係$300有找，抵食！臨走見到隔籬枱嗌咗五花腩同埋甜辣炸雞聞到都好香，下次再過嚟試吓，不過要再早少少嚟，或者要book枱穩陣啲。