鐵板一 (裝修中)

呢間位於銅鑼灣嘅BG Steak & Pasta之前都有聽朋友介紹過，今日終於都可以親身過嚟幫襯一下！首先講一講餐廳位置，位於登龍街，好近時代廣場，非常方便！一出lift嘅時候已經望到好有氣氛嘅燈光，而且餐廳環境裝修好有格調，應該係非常適合情侶拍拖談心嘅地方！食物方面，我叫咗一份鐵板咖喱吉列豚王飯，我大大份嘅吉列豬扒飯都係$98！仲要係鐵板上！❤️❤️真係啱晒我心水，重點係呢個吉列豬扒真係好正，非常厚切，而且咬落去炸粉啱啱好，唔會太多！再加上呢個豬好好食，唔係一般出面茶餐廳食到好乾身嘅豬扒，係依然好Juice好嫩嘅豬肉！再配合埋呢個咖喱汁！真係食上癮！本身我都唔係好習慣食澱粉質，不過呢個咖喱汁撈飯搞到我都忍唔住食晒🤣🤣