龍皇酒家 (活@KCC) (已結業)

嚟到工業區搵到依間酒樓，點知有驚喜。叫左個3百幾蚊既餐，一條斑一碟菜一碟豉油王炒麵。估唔到咁普通嘅豉油王炒麵可以炒到咁好食，果然食質素就係要食普通野，即係學食神話齋叉蛋飯先至試到真功夫，炒到乾身唔多油有鑊氣。生菜都可以炒到好似玻璃咁靚，又係平凡中見真章。嗰條斑就有少少怪，因為我哋自己白痴，誤以為係清蒸，點知黎碗湯。估唔到又幾好飲，酸菜味好重，條魚好香口同埋啲肉質好鮮。所以我哋都覺得好滿意。流沙奶黃包賣相好靚，食落不錯。仲有碟蛋撻唔記得影相。總括來講，有少少偏貴（5舊水）但係食物有質素，不錯。